Te Ika a Maui

Nā te mataku me te harawene kāore ngā tuākana o Māui i te hiahia kia haere tahi ia ki te hī ika. Heoi anō i huna a Māui i te takere o tō rātou waka me tana matau nō te kauae o Murirangawheuna. Ka tae ki waho rā anō i te moana ka puta ia me te akiaki o ngōna hoa kia tawhiti ake te haere. Nā wai rā, nā wai rā ka tū, ka tīmata ki te hī. Kāore i roa ka kī te waka i te ika. I te hiahia ngā tuākana ki te hoki, engari a Māui ka hia hī ika tonu. Kāore ngāna mounu, ā, kāore ngā tuākana i hoatu ngētehi ki ia. Nā reira ka huri ia ki te whati i tana ihu kia rere te toto ki runga i te matau miharo. I hopu tēnei matau i te kāinga o Tonganui, te mokopuna a Tangaroa, atua o te moana. Ko te ika ka iri i te aho o Māui he wāhanga o te whenua tonu. Ka tau te waka ki uta ka kī a Māui kia kaua ngōna tuākana e tapahi, e kai rānei i te ika i mua i te tuku karakia ki ngā atua. Kāore ngā tuākana i aro atu ki ngāna tohutohu nā reira ka oreore, ka nukunuku te ika. Nā taua tū mahi kua pērā te takoto o te whenua i ngēnei rā me ngana puke katoa. Ko Te Ika a Māui o Aoteaora tēnei whenua. E ai ki ngā kōrero ko te pito whakatetonga o Heretaunga te matau a Māui.

Source:
http://www.teara.govt.nz/1966/M/MauiLegendsOf/TheFishOfMaui/en